🎀يوميات شمالي غربي وجنوبية شرقية🎀
↙الجزء الحادي عشر ..
وفي المساء عندما حضر منذر الى البيت
جاءت مها مسرعة تقول :
- منذر ...
- خير ؟ وشفيك ماجهزتي للطلعة ؟
- ابغيك توديني بيت اهلي !!!!
- الحين ؟
- ايه الحين
- ليش شصاير ؟
- اختي صفاء اليوم راح توصل من اوربا
ماتدري شكثر انا فرحانه ؟
- اااه ...... صحيح طيب قومي اوديك لهم وسلمي عليهم .
وعند رجوع مها الى البيت كانت تتحدث مع منذر بسعادة بالغة
اما هو فقد كان مسرورا لانه لم يرها هكذا منذ بداية زواجهما وعندما وصلا الى غرفتهما قال منذر متوددا :
- تدرين يا حبيبتي كان ودي نطلع الليلة مع بعض وكنت مجهز لك مفاجأة حلوة ؟
- صحيح ؟ ايش هي ؟
- كنت بوديك مطعم فخم وحلو كثير .
- اه .... يلا خيرها في غيرها بس تصدق اختي هذي اعز وحده واقرب وحدة لقلبي من اخواني .
- بس هي كانت مسافرة لسنوات مثل ما اعرف ....
- ايه 6 سنوات كان زوجها يدرس واضطرت تروح معه والحين قرب يخلص وبيرجع بعدها بشهر انشاء الله
قال وهو ينظر اليها بحنان ومحبة :
- امممممم الا شخبار البيبي ؟
- كويس .. بس ياحرام اختي صفاء الى الحين ماجاها عيال ؟
بدى الامتعاض على وجه منذر فهي لاتكف عن الحديث عن اختها صفاء ولكنه جاراها في الحديث قائلا :
- صحيح ....؟
- اي متزوجة من 8 سنوات وماجاهم عيال للحين بس لانها طيبة فرحت لي كثير يوم
عرفت اني حامل ....
- تقول حبيبتي الوقت تاخر شرايك نروح ننام و ....
وبكل حسن نية هبت واقفة وهي تقول :
- يوووووه يامنذر ... انا تعبانه موووووت
.. الله يخليك خليها لبكرة
- بس ...
- يلا لاتصير ثقيل .....
قال وهو مقطب الجبين :
- طيب
وفي اليوم التالي كان منذر ينتظر موعده مع نجوى
تاخر الوقت ولم تاتي .. اخذ ينتظر حتى توترت اعصابه حتى التقط هاتف المكتب ليتصل بالشركة لكن قاطعه رنين هاتفه النقال
رد على الهاتف بغضب فاخترق اذنه ذلك الصوت الرخيم لترتسم في مخيلته صورة صاحبته الجميلة
- انا اسفة استاذ منذر بس كان عندي ظرف مفاجئ ....
- اووووه ..... لا عادي ..
كانت نغمة صوتها الناعمة كفيلة باجباره على التخلي عن توتره وعصبيته
وعندما عاد الى البيت كان شعلة من التوتر دخل الى غرفته فوجد مها نائمة فصرخ بها قائلا :
- اوووووووه ... هذي مو عيشة لمتى يعني هالحال ؟
استيقظت مها بفزع :
- منذر !!!! شفيك !!!!
- طبعا نايمة في العسل وماتدرين عن شي
- ادري عن شنهو ؟
- انت متى بتصيرين انثى عندك احساس وتفهمين ؟؟؟
انا صبرت عليك كثير يعني ماتعرفين تتكلمين مثل الحريم قلنا اوكي ولا تزعلين مثل الحريم قلنا اوكي
ولاتلبسين مثل الحريم قلنا اوكي وبعد حياتك على طول فاضية ونايمة .....
واخر الليل تقولين لي منذر تحبني .......على ايش برايك ؟
استشاطت مها غضبا فوقفت متحدية :
- وبعدين معك ....؟ ليش هالتجريح يعني ؟
وانا وش سويت انت لو تدور العالم كله ماتلقى حرمة مثلي قايمة بواجبك ومو مقصرة حتى وهي تعبانه وفي هالحال يعني انت متى بتقدر ؟
- افففففف
فزعت الام على اثر صراخهما فجاءت مسرعة وفتحت باب الغرفة :
- شفيكم الله يهديكم اصواتكم طالعة سموا بالله وصلو على النبي
- خلاص يايمه روحي نامي انا اسف اللي جلستك من نومك ؟
- مايصير كذا ياعيالي وشفيكم .....لا هذي عين ماصلت على النبي
اخذت مها بالبكاء وخرجت مسرعة ...
0 التعليقات:
إرسال تعليق