🎀 يوميات شمالي غربي وجنوبية شرقية🎀
↙الجزء الثالث....
🔷مرت ثلاثة اشهر على زواج منذر ومها .... انشغل فيها منذر بزوجته وامه المريضه بالسكري وعقوده التجارية وكانت مها بطيبة قلبها تحاول مراعاة والدته المريضة .........
🔶وفي يوم جاء منذر ليرى امه في غرفتها وكانت معها مها :
♦منذر : ها يا امي خذتي الابرة ❓❔
👵الام : لا والله ياوليدي هذا انا استناك تجي تعطيني اياها مثل الاول .
👨منذر : والله ودي يا امي ما اتاخر عنك ولادقيقة بس عملي قام يتوسع ومشاغلي تزيد وانا مضطر اتأخر عنك يالغالية لازم عشان نأمن مستقبلنا ومستقبل اولادنا .
👵الام : الا على طاري الاولاد ها ياوليدي بشر ماصار حمل ❓❔
😌احمر وجه مها وهي تنظر الى منذر باستحياء .
👨قال منذر مبتسما : لا يا امي لاحقين على دوشة الاولاد احنا نبي نستانس اول لنا كم سنة ❓❔
👵الام : كم سنة ❔❓❗❕...
لا ياوليدي مابقى من العمر كثر مامضى .... وانا مهوب دايمة لكم ابي اشوف اعيالك مثل ماشفت عيال اخوك هاني واختك سلمى ......
👨منذر : بعد عمر طويل يايمه ان شاء الله بتشوفينهم وبتشوفين اعيالهم واحفادهم بعد .....
👨ونظر الى مها التي اخذت تظهر امتعاضها بصمت :
اذهبي يامها واحضري الابرة والدواء .
👩ذهبت مها مسرعة وهي تتعثر في مشيتها .
👨منذر : الا شخبار مها معك يا امي ؟
👵الام : والله ياولدي هذي اهي من يوم تزوجتها وهي تخدمني وماتقصر بس ساعات يضيق صدري خاصة يوم الدكتور منعني من الحركة هاليومين وهي كله ساكته وتستحي .
👨منذر : أي يمه المسألة مسالة وقت لين تتعود عليك وتتعودين عليها ويصير كل شي تمام .
👵الام : ايه ياولدي بس انا قلت لك من قبل لو انك تزوجت حصة بنت خالتك .....
👨قاطعها منذر قائلا بحزم :
يمه الله يخليك ويطول لنا في عمرك انا من زمان قايل لك اني ما احب احد يفرض رايه علي ....والزواج بالذات شي لابد ان الانسان يتمهل فيه ويختار شريكة حياته بنفسه وعن اقتناع .
👵الام : ايه ياولدي من صغرك ماتحب احد يفرض رايه عليك ما اقول الا الله يهنيك ياولدي وانا ما ابي الا سعادتك .
🔷♦جاءت مها ومعها صحن نظيف قد وضعت به الدواء والابرة وكاس من الماء البارد بشكل مرتب وانيق وضعتها قبالة زوجها وقالت بحزن :
👩- تامر على شي ثاني ؟
👨- لا سلامتك بس ياليت تتعلمين مني الحين كيف اعطي امي الابرة عشان بكرة يمكن اتاخر او يصير ظرف وتحتاج امي الابرة وتعطينها اياها انت .
👩- على امرك .
👨انتهى منذر واستأذن من امه قائلا :
يلا يالغالية اخليك تنامين وترتاحين شوي تامرين على شي ؟
👵- لاياولدي ما ابي الا سلامتكم .
0 التعليقات:
إرسال تعليق